شرح طريقة تصغير الصورة اون لاين

السلام عليكم
لو عندك اى صورة مساحتها كبيرة ( يعنى طولها و عرضها كبار )
و عايز تصغرها اون لاين ، تعمل ايه ؟
اليك يا عزيزى طريقة تصغير الصورة اون لاين
افتح الموقع ( هنا )
اختار open image from computer
( تانى اختيار )
ح يفتح لك الجهاز بتاعك اختار منه الصورة اللى عايز تصغرها
ح تلائى الصورة اتحطت فى الموقع
دلوئت عايزين نبدأ عملية التصغير
اضغط على image ( الصورة ) فى البار اللى تحت لينك الموقع
و اختار منها image size ( حجم الصورة )
ح تفتح معاك نافذة حجم الصورة و دى عبارة عن مستطيل صغير
اول اختيار هو عرض الصورة و اللى تحته طولها
و جنب اختيار العرض و الطول ح تلائى سهم صغير باصص لتحت
دوس على السهم الصغير اللى جنب عرض الصورة و حركه بحيث رقم عرض الصورة يتغير للاقل لحد ما توصل للعرض اللى انت عايزه و بعدها دوس على ok ( موافق )
بعد كده روح على file ( ملف ) ن دوس عليها و اختار حفظ save
ح تظهر لك نافذة ممكن تكتب فيها اسم الصورة لو عايز او تسيب الاسم اللى الموقع كاتبهولك
و اضغط على ok ح يفتح لك الكمبيوتر بتاعك عشان تختار عايز الصورة فين ، اضغط على ديسكتوب desktop و بكده يبئى انت حفظت الصورة على سطح المكتب على جهازك

الموضوع الأصلي: شرح طريقة تصغير الصورة اون لاين || الكاتب: ابن مصر || المصدر: منتديات نسائم الشرق